Әҙәби дәрес «Башҡорт теле – дуҫлыҡ теле»

#Башҡорттелекөнө2025
#Деньбашкирскогоязыка2025
#БиблиотекиСибая

Башҡорттарым, уҡыу кәрәк, уҡыу кәрәк!
Арабыҙҙа наҙандар күп, уҡыу һирәк.
Аңғыра айыуҙан Уралдағы ҡурҡҡандай,
Эй, туғандар, наҙанлыҡтан ҡурҡыу кәрәк!

Башҡорт халҡының атаҡлы мәғрифәтсе, шағиры, уҡытыусы, алдынғы фекер эйәһе, башҡорт әҙәбиәтенең классигы – Мифтахетдин Камалетдин улы Аҡмулла. Бар тормошон, булмышын халыҡҡа хеҙмәт итеүгә арнаған был әҙип. Халыҡ яҙмышын, халыҡ киләсәген хәл итер, көсөргәнешле ваҡиғалар эсендә ҡайнаған шағир ул. Мифтахетдин Аҡмулланың тыуған көнөнә айҡанлап, республикабыҙҙа Башҡорт теле көнө билдәләнеу уңайынан, йәнә байрам уҙғарылды. 12 декабрь Сибай ҡалаһының 7-се һанлы мәктәбенең башланғыс синыф уҡыусылары өсөн «Башҡорт теле – дуҫлыҡ теле» сараһы үтте.